Kineski putnički avion skrenuo je sa piste prilikom polijetanja i zapalio se, a više od trideset osoba povrijeđeno je tokom evakuacije.

Avion „Erbas A319-115“ kompanije „Tibet erlajns“ polijetao je iz Čongćinga na jugoistoku Kine ka gradu Njingči u regiji Tibeta. U avionu je bilo 113 putnika i devet članova posade.

„Tokom polijetanja, posada je otkrila problem na avionu i prekinula polijetanje u skladu sa procedurama. Avion je skrenuo s piste i zapalio se kada je motor udario o tlo“, saopštio je regionalni ogranak kineske Civilne avio administracije.

Dva sata nakon nesreće, aerodrom je objavio da se letovi nastavljaju i da je istraga u toku. Jedna od tri piste ostala je zatvorena.

Prema kineskoj platformi za praćenje letova Variflajt, avion je star devet i po godina.

Ovom incidentu prethodio je pad kineskog Boinga 737 na jugozapadu Kine 21. marta, kada su poginule sve 132 osobe u avionu. Istraga te nesreće još traje.

Agencije

LEAVE A REPLY

Please enter your comment!
Please enter your name here